Felix

雨中相遇

Felix真人真事 - 雨中相遇

最近經常落雨,而每逢落雨既時候我都會諗返起九年前既一件事,呢件事既內容就似愛情電影入面既一個橋段。

事情發生係八年前既一個晚上,我記得果晚落好大雨,大雨到有遮都無用,但更無用既係我當時連遮都無帶。我去左大廈屋簷下等雨停,等左好耐,雨都無停,就係我最徬徨無助既時侯,遠處我見到一個女仔拎住把「遮」向我走近,重點係我覺得幾靚。當時我係度諗,佢係咪會遮埋我。可惜事實就係個女仔一眼都無望過我就咁就走左去。我心諗,我真係睇得戲太多。

但係我心灰意冷既時候,奇蹟突然發生,個女仔突然回頭行過黎,同我講

女:洗唔洗遮埋你?

當時我完全估唔到佢會返轉頭,唔知係我太開心定點,我地兩眼相望大約5秒,我先講到我既第一句話

我:好呀!唔該你呀,咁不如我幫你拎遮呀。

原來緣份真係存在架,就係咁,我幫佢拎住把遮,期間我地話題不斷,就好似好似一對……..識左好耐既朋友。

快樂既時光總係過得特別快,轉眼間,佢已經到左目的地。

女:把遮送比你呀

係呀,你地無聽錯,真係送比我。而我知道我地即將要道別啦,呢個時候我腦部再次停頓,係我空白既時候,我竟然衝口而出咁講左一句88

我講完呢句再見,個女仔都走左。我一路望住佢走,個心好後悔,腦入邊仲不斷地出現「機會係要自己爭取」呢句說話,然後我吸左一啖氣,走上前拍左佢一下膊頭。

我:可唔可以比你既電話我呀?等我請……請你食飯呀!同埋還番把遮比你

講完之後,佢有5秒鐘左右時間無講野,我果刻覺得好尷尬,心諗點解我會講呢d咁既對白架。

女:好呀!

下,佢竟然一口答應!仲用筆寫低左個電話係我手度。

果晚過後,我望住手上面個電話號碼,諗左好耐,因為我真係好怕講電話,好怕同人無話題好尷尬,所以最後我係一個電話都無打過比佢。呢件事都完左。

所以每逢落大雨既時候,我偶然都會諗返起呢個女仔,然後我既心情就會變得十分憂鬱。

而佢送比我呢把遮都存在係我腦入面

分享給朋友

Comments

comments

Leave a Comment

You may also like

Bitnami