Blog Fox

Fox真人真事 – 的士奇遇記

Fox真人真事 - 的士奇遇記

話說早陣子放假,與友人一起坐的士入東霸睇景,司機是一名中年司機,身型略胖,雙手手腕有著似龍非鳳紋身,外表粗黑,語調粗豪,簡單點說,就像古惑仔內的那個大佬B。 上車後不久,司機便開始滔滔大論,句句珠璣。

車廂中的我倆言談甚歡,由香港轉變 到的士拒載文化,談笑風生間,猶像兩位武林豪傑相遇,司機的髒話在字裡行間遊走,左一句「我你老母個XXX 真係ON撚99」,又一句「ON9真係無撚得救,痴鳩線 」,彷如一條大蛇在茂密樹林間滑動,小弟實在咁拜下風。說著說著,司機開始向我訴說他的內心世界。

司機:唉
我:唉乜鳩
司機: 我上星期先係前面個位度撞完車
我心諗,前面個位再過小小就衝落山架WO,唔好玩啦,撞車,你嚇我唔到既
我:哈哈,乜咁唔小心呀
司機: 屌,果日唔夠訓,突然休克左兩秒!
我:哈哈,咁你琴晚夠唔夠訓呀
司機: 我無訓過,做左差唔多 22 個鐘

原來友誼真的很脆弱,剛建立的友情如像火車車廂般脫鈎,現場立時變得鴉雀無聲。

我果一刻心情真係….唔識點形容。

司機,老老實實,小弟真係唔受到嚇,呢度撞車係講緊會跌落山呀(見圖),屌你老母。

可惜,以上一句只係我幻想出來的一句話。

我:司機 … 慢慢黎,我地唔急,講真

呢一句完美實現口裡不一的精神,但話口未完

司機: 屌你老母,我賭錢輸撚左2千幾萬呀! 我老婆走佬,幾層樓又賣哂,5部的士賣剩呢部,我想死撚左佢

係真唔係呀…

我:活著一定有美好既事

我呢一刻就真係諗到小丸子呢一句,個腦係一片空白

司機: 我前日先買左包炭自殺,屌,無啦啦車左個牧師,比佢講兩講都係唔想自殺。
我:係呀….
司機:係呀,自殺唔好,所以我想做撚死自己,一日踩20 個鐘,做撚到自然死。

我:….

仆街啦,我屌你咩,可惜呢刻我沒有鍵盤在手

司機: 我呀,比仇家追殺呀,我跑呀跑,跑呀跑,跑撚到去警署報警,警察話我無受傷唔受理,屌,到時我無撚左隻手先受理有撚用呀?
我:…

我混亂中保持著的一點冷靜同我講,司機呢番話甚有道理,這也是現行香港的執法規限問題

司機:你睇下!

但見司機係外套下,亮出一把開山刀,仆街,我真係嚇到鳩都縮埋,睇古惑仔就睇得多,呢把好明顯係烏鴉一刀劈西瓜那把刀。

司機: 我保護自己架,差佬幫我唔到,我想死,但我唔想比人斬死!我想做死自己。

司機說畢這句話後,我久久不能發聲,直情就係「猶像樽蓋等被揭開咀巴卻在養青苔」。呢一刻,我腦入面諗起太宰治的人間失格,「人為什麼一定要活著不可呢?」

其間司機仍然喋喋不休,而我的內心也在思索自己的人生遺憾。

「喂!!」

司機突然大聲一喝,使得我猛然清醒醒起來

「屌!!」

原諒我本能反應下只能說出這一句

司機:到啦
我:司機,呢度XXX 元,唔駛找,你睇開d,明天會更好,拜拜
司機:多謝,但係,你明乜撚呀,拜

落車後,心頭當堂震一震,萬一司機一時睇唔開,想一齊死衝落山我咪仆街?

今天小命幸得保存,仍能享受人生,甚是美好。 也許人生就是由一個個的驚險而組成。

後記

而同行的友人在整個乘車過程都無講過一句話,我問他為何能這麼冷靜

「阿Fox,生死有命,富貴由天,要死既話你都避唔到,不如欣然接受命運既安排」

分享給朋友

Comments

comments

Leave a Comment

You may also like

Bitnami